Huduma ya maji inavyochochea Tanzania ya Viwanda Kibaha.

Meneja RUWASA wilaya ya Kibaha, Eng. Debora Kanyika

Mkoa wa Pwani unapakana na bahari ya Hindi. Majirani zake ni pamoja na mkoa wa Dar es Salaam ambao pia ni jiji maarufu  la kibiashara hapa nchini Tanzania na ukanda wa kusini mwa Afrika. Kwa miaka ya hivi karibuni mkoa wa Pwani umekuwa na sifa ya ziada ya maendeleo ya viwanda. Zipo sababu nyingi zilizochochea  haya, ikiwamo uwepo wa viwanda katika mji huo ikihusisha reli ya kisasa maarufu kama reli ya SGR ambayo inapita eneo hilo huku kukiwepo eneo la kimakakati la Bandari kavu ya Kwala pamoja na huduma ya majisafi na salama ambayo inatolewa na Wakala wa Maji na Usafi wa Mazingira vijijini (RUWASA) mkoa wa Pwani pamoja na Mamlaka ya Majisafi na Usafi wa Mazingira Jiji la Dar es Salaam (DAWASA).

Meneja wa Wakala wa Maji na Usafi wa Mazingira vijijini (RUWASA) Wilayani Kibaha mkoani Pwani ni Mhandisi Debora Kanyika ambaye anasema Serikali ya awamu ya sita imeonesha nia ya dhati kuhakikisha wilaya hiyo inakuwa kitovu cha maendeleo ya Viwanda na huduma nyingi kupitia uwekezaji mkubwa aliowekeza Mheshimiwa Rais kupitia huduma ya majisafi na salama.

Anasema huduma ya majisafi wilayani hapo sasa imewafikia wananchi kwa asilimia 78 huku jumla ya miradi mitano (5) ikiendelea kutekelezwa. Miradi hiyo itarajiwa kukamilika na kuongeza asilimia saba (7)  ya huduma na kuifanya wilaya hiyo kufikia asilimia 85 ya huduma ya maji ambayo ni moja ya malengo yaliyoainishwa ndani ya ilani ya Chama cha Mapinduzi inayotekelezwa kuanzia mwaka 2020 hadi mwaka 2025. Licha ya hatua hiyo, Mipango ya serikali inalenga kuhakikisha huduma ya maji inafikia asilimia mia moja na hivyo kuondoa kabisa changamoto ya huduma ya maji kwa wakazi wa Kibaha.

Anasema huu ni uthubutu mkubwa unaofanywa na Rais Samia Suluhu Hassan ambaye amejipambanua kama mpambanaji ambaye anatambua adha kubwa wanayoipata akina mama wa Tanzania katika kutafuta huduma ya majisafi na salama.

Mhandisi Debora anamshukuru Rais kwa kujali wananchi wa eneo la Kibaha kwa kutekeleza miradi hiyo ambayo sasa inawezesha huduma ya maji kuyafikia maeneo yote muhimu ya kijamii pamoja na viwanda. Aidha anamshukuru Mheshimiwa Rais kwa kusisitiza huduma hiyo isiishie kwenye maeneo ya biashara tu bali makazi ya watu  na Taasisi za Kijamii ambapo sasa Mradi wa Kwala pekee umeweza kuzifikia Taasisi 9 katika eneo hilo.

“Mheshiwa Rais kwa kutambua umuhimu wa maji katika maeneo haya muhimu ameelekeza RUWASA kuhakikisha tunafikisha huduma ya maji katika maeneo hayo na kuyafanya yawe maeneo yenye kujitosheleza kwa upande wa maji. Hilo tumelitekeleza na tunaendelea kupambana kuhakikisha huduma ya maji inakuwa endelevu ili tusikwamishe jitihada za Rais katika nia yake ya dhati ya kuwatumikia watanzania.” Anasema Mhandisi Debora

Anasema zaidi ya shilingi Bilioni tano (5) zimetolewa kwa ajili ya utekelezaji wa miradi ya maji ikiwemo miradi sita ya  Mpiji, Minazi Mikinda, Kimara Misale,  Ruvu station, Kwala na Mwembengozi,  Kwala – bandari kavu na eneo la Uwekezaji (Dry Port na Sino Tan) pamoja na uchimbaji wa visima vitatu katika maeneo ya masaki, Kigoda na Miyombo.

Miradi hiyo imekuwa mkombozi na kuifanya Kibaha kuwa eneo lenye matumaini makubwa ya kukua kwa sekta mbalimbali zinazotegemea huduma ya maji. Mtandao wa mabomba katika wilaya sasa ni kilometa 193,995 ambazo zimewezesha kusambaa katika eneo kubwa la wilaya ya Kibaha ambayo inaundwa na tarafa mbili za Mlandizi na Ruvu zenye wakazi wapatao 123,367, hii ni kwa mjibu wa sensa ya watu na makazi ya mwaka 2022.

Mhandisi Debora anasema ili kuhakikisha miradi inayotekelezwa inakuwa endelevu, wilaya imeajiri wataalamu wenye weledi katika usimamizi wa miradi. Anasema Jumuia za watumia maji ni eneo muhimu ambalo wamelipa uzito kwa sababu ndio  wanaohudumia walengwa kwa hiyo wameajili wataalamu wenye weledi na wenye elimu za kutosha kusimamia miradi.

Rose Mshana ambaye ni Mhasibu wa Chombo cha Watumia Maji Minazi Mikinda, anasema elimu yake ni Shahada ya kwanza ya Chuo Kikuu ambako amehitimu masomo ya Uhasibu. Anaishukuru Serikali kwa kuamua kuajili wataalamu kwani imeongeza tija katika usimamizi na kuongeza uzalishaji na uendelevu wa miradi. Pia imesaidia kupunguza tatizo la ajira kwa watanzania.

“Naishukuru serikali kwa kuwekeza katika sekta hii ya maji kwani imetusaidia sisi ambao tungeendelea kuwa mtaani bila ajira. Jumuia yetu ya watumia maji Minazi Mikinda inasonga mbele. Mapato ya mwezi yameonngezeka. Wataalamu wa serikali wanatukagua na kuridhika na usimamizi wetu wa miradi” anasema Rose.

Pia anatoa ushauri kwa serikali kuhakikisha inaendelea kuajiri wataalamu katika sekta zote za maendeleo ili kuondoa changamoto ya usimamizi na uendelevu wa miradi.

Kwa upande wake Manssoor Ally Kisabengo,  Diwani wa kata ya Kwala ulipo Mradi wa maji Kwala ambao unahudumia Kongani ya Viwanda pamoja na bandari kavu ya Kwala anasema kala ya mradi wa maji wa Kwala hali ya huduma katika eneo lake ilikuwa ya shida sana.

“Mradi huu umekuwa mkombozi. Changamoto ilikuwa kubwa, tulikuwa tukiishi kwa kununua kwenye maboza na kuombaomba. Mradi uliokuwepo ulikuwa umechakaa sana, umechoka. Sasa shida ya maji kwala tumesahau. Tunamshukuru Rais na serikali kwa ujumla” Anasema Diwani Kisabengo na kuendelea kwamba sasa jamii ya Kwala imekuwa na ratiba nzuri ya maendeleo tofauti na zamani ambapo ratiba ya kutafuta maji ilikuwa ikiharibu mipango ya maendeleo. Aidha jitihada kubwa iliyopo sasa ni kuhakikisha wanaunganisha maji majumbani mwao. Vijana sasa badala ya kuhangaika kutafuta kazi ya kusomba maji, sasa jitihada ni kazi ni viwandani.

Naye Fatuma Matambi, mkazi wa Kwala anapongeza serikali na kusema sasa jamii imependeza na kung’aa kwa sababu ya ujio wa maji. Anasema kabla ya ujio wa mradi wa maji Kwala, ilikuwa ikiwalazimu kununua maji shilingi mia tano kisha kuingia gharama za bodaboda kwa shilingi elfu moja kwa kila ndoo ya maji. sasa yote hayo yamekuwa historia kutokana na uthubutu wa dhati wa Rais wa Jamhuri ya Muungano wa Tanzania Mhe. Dkt. Samia suluhu Hassan ambaye ameamua kwa dhati kumtua mtanzania kutoka kwenye adha ya maji.

Hatua hizi zote za Serikali kuwafikia wananchi na wawekezaji zinabeba ule msemo wa Waziri wa Maji Jumaa Aweso (Mb) ukiwa na mgonjwa, mihemo yake unaipata sawasawa, kwa maana Serikali imewashirikisha wananchi na kuelewa kiu yao katika huduma muhimu ya maji.

Comments

Post a Comment

Popular posts from this blog

Ujenzi wa Mabwawa kusaidia kuondoa changamoto ya maji Dodoma

Image
Wajumbe wa Bodi ya Maji ya Taifa wakiwa katika eneo la mradi wa maji Manda Video ya tukio Bofya HAPA Mkandarasi akiendelea na ujenzi wa Bwawa la Maji Mtamba   Mkuu wa Kitengo cha Usalama wa Mabwawa, Idara ya Rasilimali za Maji, Domina Makene akitoa maelezo ya mradi wa maji Manda Mhandisi Geofrey Semkonda wa Bodi ya Maji Bonde la Rufiji akiwapitisha wajumbe wa Bodi ya Maji Ya Taifa kwenye mchoro wa ramani ya Bwawa la maji Mtamba. Bodi ya Taifa ya Maji imefanya ziara ya kutembelea miradi ya ujenzi wa bwawa la maji la Mtamba Wilayani Mpwapwa na Bwawa la Manda wilayani Chamwino mkoani Dodoma ambayo kwa pamoja yanayotarajia kugharimu shilingi Bilioni 1.3. Mabwawa haya yanajengwa na Bodi ya Maji ya Bonde la Rufiji na yanatarajia kutumika katika shughuli za kibinadamu ikiwemo kilimo cha umwagiliaji, mifugo na matumizi ya kawaida ya binadamu.   Akizungumza wakati wa ziara hiyo Mwenyekiti wa Bodi hiyo Mhandisi Mbogo Futakamba, amesema mabadiliko ya tabia nchi yameathili sehemu mbal...
Read more

Wataalamu Sekta ya maji shirikishaneni maarifa – Naibu Waziri Maji

Image
  Naibu Waziri Mhandisi Maryprisca Mahundi (wa tano kutoka kulia) katika picha ya pamoja mara baada ya kukagua kazi zinazofanywa na moja ya washiriki kutoka Uholanzi Mhandisi Mahundi mara baada ya kuzindua Jarida la usimamizi wa rasilimali maji, uhandisi, menejimenti na sera. Jarida hilo linalenga kuboresha taarifa na kuweka jukwaa la wadau na wataaluma walio katika sekta ya maji kuchapisha kazi zao za kitafiti. Picha ya pamoja ya Mgeni Rasmi na baadhi ya wajumbe wa kongamano la Kisayansi la maji Wajumbe wakiendelea na kongamano katika ukumbi wa Julius Nyerere jijini Dar es Salaam Picha ya pamoja ya Mgeni Rasmi na baadhi ya wajumbe wa kongamano la Kisayansi la maji Naibu Waziri wa Maji Mhandisi Maryprisca Mahundi akipata maelezo kwenye moja ya mabanda ya maonesho ya wadau walioshiriki katika Kongamano la Kisayansi la maji jijini Dar es Salaam  Mhandisi Mahundi akikata utepe kuashiria uzinduzi wa Jarida la usimamizi wa rasilimali maji, uhandisi, menejimenti na sera. Jarida hilo...
Read more

Katibu Mkuu Wizara ya Maji asisitiza matumizi ya mfumo wa taarifa za sekta ya maji (Maji App)

Image
Katibu Mkuu Wizara ya Maji Mhandisi Anthony Sanga Katibu Mkuu Wizara ya Maji Mhandisi Anthony Sanga amewataka wataalam wa sekta ya maji kuhakikisha wanahuisha takwimu na taarifa mbalimbali kwenye mfumo unaotoa taarifa za sekta ya maji, Maji Mobile Application (Maji App) ili kuendana na mabadiliko ya kila siku. Mhandisi Sanga amesema mfumo huo ulizinduliwa na Mhe. Samia Suluhu Hassan Rais wa Jamhuri ya Muungano wa Tanzania Machi 22, 2022 kwa lengo la kurahisisha upatikanaji wa taarifa za sekta ya maji kwa wakati. Ameyasema hayo wakati akifungua kikao kazi cha wataalam wanaojenga mifumo na masuala ya takwimu katika sekta ya maji jijini Dodoma leo. Wataalamu wa sekta ya maji katika kikao kuhusu takwimu na mifumo ya kieletroniki  Ameongeza   kuwa kwa muda mrefu sekta ya maji imekuwa ikikabiliwa na changamoto ya upatikanaji wa takwimu sahihi, zenye ubora na kwa wakati. Pia kuwepo kwa   mifumo ya kielektroniki katika Idara za Wizara na Taasisi zake ambayo ilikuwa haiongei ...
Read more