Wataalamu Sekta ya maji shirikishaneni maarifa – Naibu Waziri Maji

 

Naibu Waziri Mhandisi Maryprisca Mahundi (wa tano kutoka kulia) katika picha ya pamoja mara baada ya kukagua kazi zinazofanywa na moja ya washiriki kutoka Uholanzi

Mhandisi Mahundi mara baada ya kuzindua Jarida la usimamizi wa rasilimali maji, uhandisi, menejimenti na sera. Jarida hilo linalenga kuboresha taarifa na kuweka jukwaa la wadau na wataaluma walio katika sekta ya maji kuchapisha kazi zao za kitafiti.

Picha ya pamoja ya Mgeni Rasmi na baadhi ya wajumbe wa kongamano la Kisayansi la maji

Wajumbe wakiendelea na kongamano katika ukumbi wa Julius Nyerere jijini Dar es Salaam

Picha ya pamoja ya Mgeni Rasmi na baadhi ya wajumbe wa kongamano la Kisayansi la maji

Naibu Waziri wa Maji Mhandisi Maryprisca Mahundi akipata maelezo kwenye moja ya mabanda ya maonesho ya wadau walioshiriki katika Kongamano la Kisayansi la maji jijini Dar es Salaam 

Mhandisi Mahundi akikata utepe kuashiria uzinduzi wa Jarida la usimamizi wa rasilimali maji, uhandisi, menejimenti na sera. Jarida hilo linalenga kuboresha taarifa na kuweka jukwaa la wadau na wataaluma walio katika sekta ya maji kuchapisha kazi zao za kitafiti.


Naibu Waziri wa Maji Mhe. Mhandisi Maryprisca Mahundi (Mb) amewataka wataalamu na wadau wa sekta ya maji kwa ujumla kushirikishana ujuzi na taaluma kuweza kutatua  changamoto zinazoikumba sekta ya maji kwa pamoja. Amesema Serikali kupitia Wizara ya Maji itahakikisha inawapa msaada wa hali na mali ili kuwezesha malengo maalumu ambayo ni pamoja na kumtua mama ndoo ya maji inafikiwa.

Mhandishi Maryprisca ameyasema hayo wakati akifungua Kongamano la kisayansi la maji lililofanyika jijini Dar es salaam leo Aprili 4, 2022. Aidha, Amekipongeza  Chuo cha Maji kwa kuandaa kongamano hilo na kuwa msaada mkubwa katika kuwaandaa wataalamu wanaohudumu katika  sekta ya maji nchini.

“Uchaguzi wa kauli mbiu ya ‘Usimamizi wa Rasilimali za Maji kwa Huduma Endelevu za Ugavi wa Maji na Usafi wa Mazingira’ katika Kongamano hili imekuwa sambamba na Malengo ya 2025 ya Serikali ya Jamhuri ya Muungano wa Tanzania ambayo ni ‘kuwezesha upatikanaji wa huduma ya majisafi kwa wote’. Inafurahisha kujua kuwa Kongamano hili linakuwa ni sehemu ya kushirikishana, na kupeana ujuzi katika taaluma na kuleta utatuzi wa changamoto zinazoikumba sekta ya Maji na nyiginezo.” Amesema Mhandisi Mahundi.

Amewataka Chuo cha Maji waendeleze Kongamano hilo kwa kila mwaka kwani litasaidia kwa kiasi kikubwa kuongeza maarifa na kuondoa changamoto zinazoikumba sekta ya maji.

Kongamano la Kisayansi la maji limeandaliwa na Wizara ya Maji kupitia Chuo cha Maji na kuhudhuriwa na mataifa mbalimbali kutoka nje na ndani ya Afrika. Matokeo ya tafiti zaidi ya 60 yanatarajiwa kuwasilishwa, huku washiriki zaidi ya 400 wakitarajia kushiriki kwa siku mbili kuanzia Aprili 4 hadi 5. 


Comments

Post a Comment

Popular posts from this blog

Ujenzi wa Mabwawa kusaidia kuondoa changamoto ya maji Dodoma

Image
Wajumbe wa Bodi ya Maji ya Taifa wakiwa katika eneo la mradi wa maji Manda Video ya tukio Bofya HAPA Mkandarasi akiendelea na ujenzi wa Bwawa la Maji Mtamba   Mkuu wa Kitengo cha Usalama wa Mabwawa, Idara ya Rasilimali za Maji, Domina Makene akitoa maelezo ya mradi wa maji Manda Mhandisi Geofrey Semkonda wa Bodi ya Maji Bonde la Rufiji akiwapitisha wajumbe wa Bodi ya Maji Ya Taifa kwenye mchoro wa ramani ya Bwawa la maji Mtamba. Bodi ya Taifa ya Maji imefanya ziara ya kutembelea miradi ya ujenzi wa bwawa la maji la Mtamba Wilayani Mpwapwa na Bwawa la Manda wilayani Chamwino mkoani Dodoma ambayo kwa pamoja yanayotarajia kugharimu shilingi Bilioni 1.3. Mabwawa haya yanajengwa na Bodi ya Maji ya Bonde la Rufiji na yanatarajia kutumika katika shughuli za kibinadamu ikiwemo kilimo cha umwagiliaji, mifugo na matumizi ya kawaida ya binadamu.   Akizungumza wakati wa ziara hiyo Mwenyekiti wa Bodi hiyo Mhandisi Mbogo Futakamba, amesema mabadiliko ya tabia nchi yameathili sehemu mbal...
Read more

Katibu Mkuu Wizara ya Maji asisitiza matumizi ya mfumo wa taarifa za sekta ya maji (Maji App)

Image
Katibu Mkuu Wizara ya Maji Mhandisi Anthony Sanga Katibu Mkuu Wizara ya Maji Mhandisi Anthony Sanga amewataka wataalam wa sekta ya maji kuhakikisha wanahuisha takwimu na taarifa mbalimbali kwenye mfumo unaotoa taarifa za sekta ya maji, Maji Mobile Application (Maji App) ili kuendana na mabadiliko ya kila siku. Mhandisi Sanga amesema mfumo huo ulizinduliwa na Mhe. Samia Suluhu Hassan Rais wa Jamhuri ya Muungano wa Tanzania Machi 22, 2022 kwa lengo la kurahisisha upatikanaji wa taarifa za sekta ya maji kwa wakati. Ameyasema hayo wakati akifungua kikao kazi cha wataalam wanaojenga mifumo na masuala ya takwimu katika sekta ya maji jijini Dodoma leo. Wataalamu wa sekta ya maji katika kikao kuhusu takwimu na mifumo ya kieletroniki  Ameongeza   kuwa kwa muda mrefu sekta ya maji imekuwa ikikabiliwa na changamoto ya upatikanaji wa takwimu sahihi, zenye ubora na kwa wakati. Pia kuwepo kwa   mifumo ya kielektroniki katika Idara za Wizara na Taasisi zake ambayo ilikuwa haiongei ...
Read more