Miaka mitatu ya Samia katika Sekta ya maji, takwimu zinaongea.

Na; Evaristy Masuha.

Machi 17, 2024 Rais samia suluhu Hassan alitimiza miaka mitatu akiwa madarakani.  Moja ya majukumu yake muhimu wakati anaapa kuwatumikia Watanzania ilikuwa ni pamoja kuhakikisha ilani ya Chama cha Mapinduzi (CCM) iliyompa ridhaa ya uongozi kwa Watanzania inatekelezwa.

Upande wa Sekta ya Maji ilani hiyo inaitaka serikali kuhakikisha wananchi wanaoishi vijijini wanafikiwa na huduma ya maji kwa asilimia 85 wakati wale waishio mijini wanafikiwa na huduma hiyo kwa asilimia 95. Waswahili wana msemo usemao ‘Ada ya mja hunena, muungwana ni vitendo’. Rais Samia amedhihirisha hayo kwa vitendo kupitia uungwana wake wa kuhakikisha ilani ya CCM hasa upande wa Sekta ya Maji inatekelezeka.

Hizi hapa ni sehemu ya takwimu kutoka Wizara ya Maji zinazoonesha jinsi serikali anayoiongoza ilivyopiga hatua katika kuhakikisha huduma ya majisafi inamfikia kila Mtanzania, awe mjini au kijijini.

Takwimu kutoka Wizara ya maji kama zilivyowasilishwa wakati wa wiki ya maji,  hadi Desemba 2023 Upatikanaji wa huduma za maji ulikuwa umefikia wastani wa asilimia 84.8 ambapo kwa mjini ni wastani wa asilimia 90 na vijijini ni wastani wa asilimia 79.6. Matumaini ya kufikia kiwango kilichoagizwa na serikali kiko wazi kutokana na jitihada mbalimbali zinazoendelea.

 

Jukumu la kutoa huduma ya majisafi na salama kwa Watanzania walioko vijijini linatekelezwa na Wakala wa Maji na Usafi wa Mazingira Vijijini (RUWASA). Idadi ya vijiji vilivyopata huduma ya maji hivi sasa vimefikia 9,259 kati ya vijiji 12,318 vilivyopo. Vijijiji 3,059 ambavyo havijafikiwa na huduma hiyo, jitihada ziko wazi na kazi inafanyika. Matumaini ya miradi ya maji kuvifikia vijiji hivi ni makubwa kutokana na utayari wa Serikali kupitia viongozi na watendaji mbalimbali wa Sekta ya Maji.   

Serikali ya Rais Samia inaendelea kutekeleza jumla ya miradi ya maji 1,790 ikiwemo 244 ya mijini na miradi 1,546 ya vijijini.

Nia ya serikali ya awamu ya sita imeendelea kuwa wazi katika kuhakikisha inatumia vyanzo ya uhakika vya maji ikiwemo maziwa, mito na mabwawa kutekeleza miradi mikubwa. Baadhi ya miradi mikubwa ya maji inayoendelea kutekelezwa ni pamoja na mradi wa maji wa Same -Mwanga-Korogwe, Mradi wa Kukabiliana na Mabadiliko ya Tabianchi Katika Mkoa wa Simiyu, Mradi wa Mugango-Kiabakari-Butiama, Mto Kiwira -Jijini Mbeya, Mradi wa maji wa Miji 28, Mabwawa ya Kidunda na Farkwa na ukamilishaji wa mradi wa Arusha.

 Kukamilika kwa miradi hiyo kutawezesha huduma ya majisafi kufikia wastani wa asilimia 85 kwa upande wa vijijini na wastani wa asilimia 95 kwa maeneo ya mijini ifikapo 2025. Aidha, eneo la usimamizi na utunzaji wa vyanzo vya maji limepewa kipaumbele kwa kuhakikisha kila mwananchi anashiriki kikamilifu ili nchi iwe na rasilimali za maji endelevu kwa maendeleo ya kiuchumi na kijamii.

Kuanzia mwezi Januari 2023 hadi Desemba 2023 jumla ya miradi ya maji 506 ilikamilishwa ikiwemo 436 ya vijijini na 70 ya mijini yenye uwezo wa kuhudumia wananchi 5,754,340 (3,145,645 wa vijijini na 2,608,695 wa mijini).

 

Ili kuhakikisha Wizara ya Maji inakuwa na vifaa vya kutosha katika utekelezaji wa miradi, Serikali ilinunua mitambo ya uchimbaji wa visima, seti 25 na seti tano za mitambo ya ujenzi wa mabwawa ambapo jumla ya visima 1,097 vitachimbwa katika maeneo mbalimbali na mabwawa 69 yatajengwa ili kuongeza upatikanaji wa maji kwa matumizi ya kijamii na kiuchumi.

 

Eneo la Rasilimali za Maji pia limepewa kipaumbele. Wizara ya Maji inayo idara mahususi yenye kazi ya  kuhakikisha rasilimali za maji zinalindwa na kuendelezwa kwa ajili ya vizazi vya sasa na baadaye.

 

Yapo mambo makubwa yaliyofanywa na Wizara ya Maji kupitia idara hii ili kuhakikisha Mtanzania anaendelea kunufaika na rasilimali hii muhimu ambayo tunaweza sema ni Zawadi kutoka kwa Mwenyezi Mungu na ni jukumu la kila mtu kuwa na wivu nayo. Mpaka sasa jumla ya vyanzo vya maji 59 vimetangazwa katika Gazeti la Serikali kuwa maeneo tengefu ya maji. Eneo la ufuatiliaji wa mwenendo wa maji nchini hufanyika kupitia vituo maalum ambapo mpaka sasa kuna idadi ya jumla ya vituo 1,265.

Uchafuzi, uvamizi na uharibifu wa vyanzo vya maji unaotokana na kuongezeka kwa shughuli za kiuchumi na kijamii huchangia kwa sehemu kubwa kupungua na kuzorota kwa ubora wa rasilimali za maji na huathiri uendelevu wa rasilimali za maji nchini.

Katika kukabiliana na changamoto hiyo Serikali kwa kushirikiana na wadau, imeendeleza uhifadhi na udhibiti wa uchafuzi wa vyanzo vya maji kupitia mipango mbalimbali inayojumuisha kutoa elimu kwa jamii juu ya umuhimu wa kutunza na kulinda vyanzo vya maji; pamoja na kutambua, kuweka mipaka, kutangaza kwenye Gazeti la Serikali na kurejesha vyanzo vya maji vilivyoharibika

 

Ili kujali afya ya watumiaji wa maji, serikali ya awamu ya sita imehakikisha inaendeleza matumizi ya majisafi na salama kwa kuimarisha maabara za ubora wa maji ambapo hadi sasa Wizara ya Maji inazo maaara za ubora wa maji 17 ambazo ziko sehemu mbalimbali mikoani. Maabara Saba kati ya hizo zina ithibati ya kimataifa, zinaweza kufanya kazi katika kona yoyote ya dunia hii. Mipango inayoendelea ni kuhakikisha maabara zote zinakuwa na vyeti vya ithibati ambavyo vitazifanya kutambulika kimataifa.

 

Eneo lingine ni utekelezaji wa kazi, miradi na programu mbalimbali ambazo hufanyika kupitia Taasisi zilizoko chini ya Wizara ya Maji. Mpaka sasa Wizara ya Maji inazo Mamlaka za Maji 89, Wakala za Serikali tatu, Vyombo vya Utoaji Huduma Ngazi ya Jamii (CBWSOs) 1,946 na Bodi za Maji za Mabonde tisa. 

Athari za mabadiliko ya tabianchi zikiwemo ukame wa muda mrefu, kuchelewa kwa mvua pamoja na mafuriko pia zimeendelea kuathiri Sekta ya Maji katika nchi mbalimbali, kwa kuchangia kukauka kwa vyanzo vya maji, kuongezeka kwa migawo ya maji pamoja na kuharibika kwa miundombinu ya maji.

Hapa nchini, ili kukabiliana na changamoto hiyo, Serikali inaendelea kuhimiza ushiriki wa wananchi katika utunzaji wa vyanzo vya maji pamoja na mazingira. Vilevile, Serikali inaendelea kutekeleza mkakati wa kukabiliana na mabadiliko ya tabianchi pamoja na kutekeleza miradi ya maji ambayo itatumia vyanzo vya maji vya uhakika kama vile mito mikubwa na maziwa na ujenzi wa mabwawa ya kuvuna maji ya mvua.

Kwa hakika uongozi wa Rais Samia katika Sekta ya Maji unaacha alama chanya ambazo hazitafutika katika vinywa na Maisha ya watanzania.

 

Masuha8@gmail.com

0717697205

Comments

Post a Comment

Popular posts from this blog

Ujenzi wa Mabwawa kusaidia kuondoa changamoto ya maji Dodoma

Image
Wajumbe wa Bodi ya Maji ya Taifa wakiwa katika eneo la mradi wa maji Manda Video ya tukio Bofya HAPA Mkandarasi akiendelea na ujenzi wa Bwawa la Maji Mtamba   Mkuu wa Kitengo cha Usalama wa Mabwawa, Idara ya Rasilimali za Maji, Domina Makene akitoa maelezo ya mradi wa maji Manda Mhandisi Geofrey Semkonda wa Bodi ya Maji Bonde la Rufiji akiwapitisha wajumbe wa Bodi ya Maji Ya Taifa kwenye mchoro wa ramani ya Bwawa la maji Mtamba. Bodi ya Taifa ya Maji imefanya ziara ya kutembelea miradi ya ujenzi wa bwawa la maji la Mtamba Wilayani Mpwapwa na Bwawa la Manda wilayani Chamwino mkoani Dodoma ambayo kwa pamoja yanayotarajia kugharimu shilingi Bilioni 1.3. Mabwawa haya yanajengwa na Bodi ya Maji ya Bonde la Rufiji na yanatarajia kutumika katika shughuli za kibinadamu ikiwemo kilimo cha umwagiliaji, mifugo na matumizi ya kawaida ya binadamu.   Akizungumza wakati wa ziara hiyo Mwenyekiti wa Bodi hiyo Mhandisi Mbogo Futakamba, amesema mabadiliko ya tabia nchi yameathili sehemu mbal...
Read more

Wataalamu Sekta ya maji shirikishaneni maarifa – Naibu Waziri Maji

Image
  Naibu Waziri Mhandisi Maryprisca Mahundi (wa tano kutoka kulia) katika picha ya pamoja mara baada ya kukagua kazi zinazofanywa na moja ya washiriki kutoka Uholanzi Mhandisi Mahundi mara baada ya kuzindua Jarida la usimamizi wa rasilimali maji, uhandisi, menejimenti na sera. Jarida hilo linalenga kuboresha taarifa na kuweka jukwaa la wadau na wataaluma walio katika sekta ya maji kuchapisha kazi zao za kitafiti. Picha ya pamoja ya Mgeni Rasmi na baadhi ya wajumbe wa kongamano la Kisayansi la maji Wajumbe wakiendelea na kongamano katika ukumbi wa Julius Nyerere jijini Dar es Salaam Picha ya pamoja ya Mgeni Rasmi na baadhi ya wajumbe wa kongamano la Kisayansi la maji Naibu Waziri wa Maji Mhandisi Maryprisca Mahundi akipata maelezo kwenye moja ya mabanda ya maonesho ya wadau walioshiriki katika Kongamano la Kisayansi la maji jijini Dar es Salaam  Mhandisi Mahundi akikata utepe kuashiria uzinduzi wa Jarida la usimamizi wa rasilimali maji, uhandisi, menejimenti na sera. Jarida hilo...
Read more

Katibu Mkuu Wizara ya Maji asisitiza matumizi ya mfumo wa taarifa za sekta ya maji (Maji App)

Image
Katibu Mkuu Wizara ya Maji Mhandisi Anthony Sanga Katibu Mkuu Wizara ya Maji Mhandisi Anthony Sanga amewataka wataalam wa sekta ya maji kuhakikisha wanahuisha takwimu na taarifa mbalimbali kwenye mfumo unaotoa taarifa za sekta ya maji, Maji Mobile Application (Maji App) ili kuendana na mabadiliko ya kila siku. Mhandisi Sanga amesema mfumo huo ulizinduliwa na Mhe. Samia Suluhu Hassan Rais wa Jamhuri ya Muungano wa Tanzania Machi 22, 2022 kwa lengo la kurahisisha upatikanaji wa taarifa za sekta ya maji kwa wakati. Ameyasema hayo wakati akifungua kikao kazi cha wataalam wanaojenga mifumo na masuala ya takwimu katika sekta ya maji jijini Dodoma leo. Wataalamu wa sekta ya maji katika kikao kuhusu takwimu na mifumo ya kieletroniki  Ameongeza   kuwa kwa muda mrefu sekta ya maji imekuwa ikikabiliwa na changamoto ya upatikanaji wa takwimu sahihi, zenye ubora na kwa wakati. Pia kuwepo kwa   mifumo ya kielektroniki katika Idara za Wizara na Taasisi zake ambayo ilikuwa haiongei ...
Read more