Maji wakutana kuangalia namna bora ya kuondokana na ukiritimba

Mratibu wa Mpango wa Kuboresha Mazingira ya Biashara (MKUMBI) Alex Kikarugaa akiwasilisha mada kuhusiana na mpango huo.
Picha ya pamoja ya wataalam wa Wizara baada ya kikao.

Timu ya wataalamu wa Wizara ya Maji ipo mkoani Kilimanjaro kwa ajili ya kutekeleza  Mpango wa Kuboresha Mazingira ya Biashara (MKUMBI). 

Mpango huo unaojulikana pia kama Blueprint, unalenga kuboresha mazingira ya biashara na uwekezaji nchini kwa kupunguza au kuondoa changamoto mbalimbali zinazozuia maendeleo ya uwekezaji na biashara.

MKUMBI unalenga kukabiliana na Changamoto hizo kwa kufanya marekebisho ya sheria na kanuni za kisekta, matumizi ya mifumo ya kieletroniki katika kutoa huduma, kuunganisha majukumu ya mamlaka za udhibiti yatakayobainika kuwa na muingiliano; pamoja na uanzishaji wa vituo vya utoaji wa huduma mahali pamoja.

Wizara ya Maji kama sekta muhimu ya kiuchumi na kijamii ambayo inahusika moja kwa moja na maisha ya wananchi imejipanga na inatambua umuhimu wa mpango huo katika kuhakikisha uwekezaji unaohusisha huduma ya maji unarahisishwa, unafikika kwa urahisi na  hivyo kusukuma  maendeleo ya taifa. 

Kikao kilichofanyika katika ukumbi wa Mamlaka ya Majisafi na Usafi wa Mazingira mjini Moshi kimewakutanisha wataalamu wa Wizara, Bodi ya Maji Bonde la Pangani na Mamlaka ya Majisafi na Usafi wa Mazingira Mjini Moshi ambao wamejadiliana  masuala mbalimbali ikiwemo sheria, kanuni na taratibu zinazosimamia utoaji wa vibali vya matumizi ya maji, hali ya huduma ya maji kwa ujumla na kuweka mikakati ya kuboresha mazingira ya biashara katika Sekta ya Maji.

Wizara imejipanga kujenga uelewa kwa wadau wa Sekta ya Maji kuhusu mpango wa MKUMBI kwa lengo la kuvutia uwekezaji endelevu unaozingatia maendeleo ya Sekta ya Maji.


Comments

Post a Comment

Popular posts from this blog

Ujenzi wa Mabwawa kusaidia kuondoa changamoto ya maji Dodoma

Image
Wajumbe wa Bodi ya Maji ya Taifa wakiwa katika eneo la mradi wa maji Manda Video ya tukio Bofya HAPA Mkandarasi akiendelea na ujenzi wa Bwawa la Maji Mtamba   Mkuu wa Kitengo cha Usalama wa Mabwawa, Idara ya Rasilimali za Maji, Domina Makene akitoa maelezo ya mradi wa maji Manda Mhandisi Geofrey Semkonda wa Bodi ya Maji Bonde la Rufiji akiwapitisha wajumbe wa Bodi ya Maji Ya Taifa kwenye mchoro wa ramani ya Bwawa la maji Mtamba. Bodi ya Taifa ya Maji imefanya ziara ya kutembelea miradi ya ujenzi wa bwawa la maji la Mtamba Wilayani Mpwapwa na Bwawa la Manda wilayani Chamwino mkoani Dodoma ambayo kwa pamoja yanayotarajia kugharimu shilingi Bilioni 1.3. Mabwawa haya yanajengwa na Bodi ya Maji ya Bonde la Rufiji na yanatarajia kutumika katika shughuli za kibinadamu ikiwemo kilimo cha umwagiliaji, mifugo na matumizi ya kawaida ya binadamu.   Akizungumza wakati wa ziara hiyo Mwenyekiti wa Bodi hiyo Mhandisi Mbogo Futakamba, amesema mabadiliko ya tabia nchi yameathili sehemu mbal...
Read more

Wataalamu Sekta ya maji shirikishaneni maarifa – Naibu Waziri Maji

Image
  Naibu Waziri Mhandisi Maryprisca Mahundi (wa tano kutoka kulia) katika picha ya pamoja mara baada ya kukagua kazi zinazofanywa na moja ya washiriki kutoka Uholanzi Mhandisi Mahundi mara baada ya kuzindua Jarida la usimamizi wa rasilimali maji, uhandisi, menejimenti na sera. Jarida hilo linalenga kuboresha taarifa na kuweka jukwaa la wadau na wataaluma walio katika sekta ya maji kuchapisha kazi zao za kitafiti. Picha ya pamoja ya Mgeni Rasmi na baadhi ya wajumbe wa kongamano la Kisayansi la maji Wajumbe wakiendelea na kongamano katika ukumbi wa Julius Nyerere jijini Dar es Salaam Picha ya pamoja ya Mgeni Rasmi na baadhi ya wajumbe wa kongamano la Kisayansi la maji Naibu Waziri wa Maji Mhandisi Maryprisca Mahundi akipata maelezo kwenye moja ya mabanda ya maonesho ya wadau walioshiriki katika Kongamano la Kisayansi la maji jijini Dar es Salaam  Mhandisi Mahundi akikata utepe kuashiria uzinduzi wa Jarida la usimamizi wa rasilimali maji, uhandisi, menejimenti na sera. Jarida hilo...
Read more

Katibu Mkuu Wizara ya Maji asisitiza matumizi ya mfumo wa taarifa za sekta ya maji (Maji App)

Image
Katibu Mkuu Wizara ya Maji Mhandisi Anthony Sanga Katibu Mkuu Wizara ya Maji Mhandisi Anthony Sanga amewataka wataalam wa sekta ya maji kuhakikisha wanahuisha takwimu na taarifa mbalimbali kwenye mfumo unaotoa taarifa za sekta ya maji, Maji Mobile Application (Maji App) ili kuendana na mabadiliko ya kila siku. Mhandisi Sanga amesema mfumo huo ulizinduliwa na Mhe. Samia Suluhu Hassan Rais wa Jamhuri ya Muungano wa Tanzania Machi 22, 2022 kwa lengo la kurahisisha upatikanaji wa taarifa za sekta ya maji kwa wakati. Ameyasema hayo wakati akifungua kikao kazi cha wataalam wanaojenga mifumo na masuala ya takwimu katika sekta ya maji jijini Dodoma leo. Wataalamu wa sekta ya maji katika kikao kuhusu takwimu na mifumo ya kieletroniki  Ameongeza   kuwa kwa muda mrefu sekta ya maji imekuwa ikikabiliwa na changamoto ya upatikanaji wa takwimu sahihi, zenye ubora na kwa wakati. Pia kuwepo kwa   mifumo ya kielektroniki katika Idara za Wizara na Taasisi zake ambayo ilikuwa haiongei ...
Read more