India waipa Tano sekta ya maji Tanzania.


Waziri wa Mambo ya Nchi za Nje wa Serikali ya India Mhe. Dkt. Subrahmanyan Jaishankar akisalimiana na Waziri wa Maji wa Tanzania Mhe. Jumaa Aweso wakati wa ziara ya kukagua mradi wa upanuzi wa mtambo na mfumo wa maji wa Ruvu Juu eneo la Kibamba jijini Dar es Salaam


 Waziri wa Maji Mhe. Jumaa Aweso akimkabidhi zawadi  Waziri wa Mambo ya Nchi za Nje wa Serikali ya India. Dkt. Subrahmanyan Jaishankar

Picha ya pamoja na Menejimenti ya DUWASA


Baadhi ya wageni waalikwa wakifuatilia hotuba za viongozi wakati wa Ziara ya Waziri wa Mambo ya Nchi za Nje wa Serikali ya India Mhe. Dkt. Subrahmanyan Jaishankar jiji Dar es Salaam

Mhe Aweso
Waziri Mhe. Dkt. Subrahmanyan Jaishankar akizungumza

Waziri wa Mambo ya Nchi za Nje wa Serikali ya India Mhe. Dkt. Subrahmanyan Jaishankar ameipongeza serikali ya Tanzania kwa usimamizi mzuri wa fedha zinazotolewa na serikali hiyo kwa ajili ya utekelezaji wa miradi ya maji nchini. Pongezi hizo amezitoa leo Julai 7 alipotembelea na kukagua mradi wa upanuzi wa mtambo na mfumo wa maji wa Ruvu Juu ambao ni moja ya miradi iliyotekelezwa kwa ushirikiano kati ya serikali ya Tanzania na serikali ya India.

Amesema mafanikio ya usimamizi mzuri wa miradi ya maji nchini Tanzania umeipa Imani kubwa serikali ya India na hivyo itaendeleza ushirikiano katika kutekeleza miradi mbalimbali ukiwemo mradi wa miji 24 unao gharimu Dola za Marekani Milioni 500 sawa na takribani shilingi trilioni 1.2 za Tanzania.

Amemtaka Waziri wa Maji Mhe. Jumaa Aweso afikishe salam hizo kwa Rais wa Jamhuri ya Muungano wa Tanzania Mhe. Samia Suluhu Hassan kwamba serikali ya india inaridhishwa na jitihada za Tanzania katika kuhakikisha utekelezaji wa miradi ya maji unasimamiwa vizuri na thamani ya fedha inaonekana.

Amesema maji ni chakula, maji ni afya, maji ni uhai hivyo mafanikio ya serikali ya Tanzania katika kuwafikishia wananchi huduma ya maji ni mafanikio ya serikali ya India kwa sababu uhusiano wa serikali ya India na Tanzania umekuwepo kwa muda mrefu na utaendelea kuwepo kwa ajili ya ustawi wa wananchi wa pande zote mbili.

Kwa upande wake Waziri wa Maji Mhe. Jumaa Aweso (Mb) amemshukuru Waziri huyo na kumhakikishia kuwa serikali ya Tanzania itahakikisha uhusiano mzuri uliopo unaendelezwa. Amesema bado zipo changomoto za huduma ya maji katika mji wa Dodoma na kuiomba serikali ya India iangalie uwezekano wa kushirikiana na Tanzania katika kuondoa changamoto hizo.

“Nikuombe Mheshimiwa Waziri. Serikali imehamia jijini Dodoma. Mahitajhi ya maji katika jiji la Dodoma ni lita milioni 133 kwa siku. Mamlaka ya Majisafi na Usafi wa Mazingira Dodoma inazalisha lita milioni 67 kwa siku. Ombi langu kwa serikali ya India tushirikiana katika hili ili kuhakikisha jiji la Dodoma linaondokana na changamoto ya huduma ya maji.” Amesema Waziri Aweso.

Baadhi ya miradi ambayo imetekelezwa kwa ushirikiano kati ya Serikali ya Tanzania na Serikali ya India ni pamoja na mradi wa kuboresha huduma ya maji kwa Jiji la Dar es Salaam na Chalinze ambao umetekelezwa kwa gharama ya Dola za Marekani milioni 178.125. Mradi wa maji kutoka ziwa Victoria kwenda katika miji ya Tabora, Igunga, Nzega, Tinde, Uyui, Shinyanga, Shelui na vijiji 102 kwa kiasi cha Dola za Marekani milioni 268.35. Mradi unaoendelea wa miji 24 Tanzania bara na Zanzibar wenye thamani ya Dola za Marekani milioni 500 takribani shilingi trilioni 1.2 za Tanzania

Comments

Post a Comment

Popular posts from this blog

Ujenzi wa Mabwawa kusaidia kuondoa changamoto ya maji Dodoma

Image
Wajumbe wa Bodi ya Maji ya Taifa wakiwa katika eneo la mradi wa maji Manda Video ya tukio Bofya HAPA Mkandarasi akiendelea na ujenzi wa Bwawa la Maji Mtamba   Mkuu wa Kitengo cha Usalama wa Mabwawa, Idara ya Rasilimali za Maji, Domina Makene akitoa maelezo ya mradi wa maji Manda Mhandisi Geofrey Semkonda wa Bodi ya Maji Bonde la Rufiji akiwapitisha wajumbe wa Bodi ya Maji Ya Taifa kwenye mchoro wa ramani ya Bwawa la maji Mtamba. Bodi ya Taifa ya Maji imefanya ziara ya kutembelea miradi ya ujenzi wa bwawa la maji la Mtamba Wilayani Mpwapwa na Bwawa la Manda wilayani Chamwino mkoani Dodoma ambayo kwa pamoja yanayotarajia kugharimu shilingi Bilioni 1.3. Mabwawa haya yanajengwa na Bodi ya Maji ya Bonde la Rufiji na yanatarajia kutumika katika shughuli za kibinadamu ikiwemo kilimo cha umwagiliaji, mifugo na matumizi ya kawaida ya binadamu.   Akizungumza wakati wa ziara hiyo Mwenyekiti wa Bodi hiyo Mhandisi Mbogo Futakamba, amesema mabadiliko ya tabia nchi yameathili sehemu mbal...
Read more

Wataalamu Sekta ya maji shirikishaneni maarifa – Naibu Waziri Maji

Image
  Naibu Waziri Mhandisi Maryprisca Mahundi (wa tano kutoka kulia) katika picha ya pamoja mara baada ya kukagua kazi zinazofanywa na moja ya washiriki kutoka Uholanzi Mhandisi Mahundi mara baada ya kuzindua Jarida la usimamizi wa rasilimali maji, uhandisi, menejimenti na sera. Jarida hilo linalenga kuboresha taarifa na kuweka jukwaa la wadau na wataaluma walio katika sekta ya maji kuchapisha kazi zao za kitafiti. Picha ya pamoja ya Mgeni Rasmi na baadhi ya wajumbe wa kongamano la Kisayansi la maji Wajumbe wakiendelea na kongamano katika ukumbi wa Julius Nyerere jijini Dar es Salaam Picha ya pamoja ya Mgeni Rasmi na baadhi ya wajumbe wa kongamano la Kisayansi la maji Naibu Waziri wa Maji Mhandisi Maryprisca Mahundi akipata maelezo kwenye moja ya mabanda ya maonesho ya wadau walioshiriki katika Kongamano la Kisayansi la maji jijini Dar es Salaam  Mhandisi Mahundi akikata utepe kuashiria uzinduzi wa Jarida la usimamizi wa rasilimali maji, uhandisi, menejimenti na sera. Jarida hilo...
Read more

Katibu Mkuu Wizara ya Maji asisitiza matumizi ya mfumo wa taarifa za sekta ya maji (Maji App)

Image
Katibu Mkuu Wizara ya Maji Mhandisi Anthony Sanga Katibu Mkuu Wizara ya Maji Mhandisi Anthony Sanga amewataka wataalam wa sekta ya maji kuhakikisha wanahuisha takwimu na taarifa mbalimbali kwenye mfumo unaotoa taarifa za sekta ya maji, Maji Mobile Application (Maji App) ili kuendana na mabadiliko ya kila siku. Mhandisi Sanga amesema mfumo huo ulizinduliwa na Mhe. Samia Suluhu Hassan Rais wa Jamhuri ya Muungano wa Tanzania Machi 22, 2022 kwa lengo la kurahisisha upatikanaji wa taarifa za sekta ya maji kwa wakati. Ameyasema hayo wakati akifungua kikao kazi cha wataalam wanaojenga mifumo na masuala ya takwimu katika sekta ya maji jijini Dodoma leo. Wataalamu wa sekta ya maji katika kikao kuhusu takwimu na mifumo ya kieletroniki  Ameongeza   kuwa kwa muda mrefu sekta ya maji imekuwa ikikabiliwa na changamoto ya upatikanaji wa takwimu sahihi, zenye ubora na kwa wakati. Pia kuwepo kwa   mifumo ya kielektroniki katika Idara za Wizara na Taasisi zake ambayo ilikuwa haiongei ...
Read more