Huduma ya majisafi kutoka ziwa Victoria kusambaa vijiji vya Kishapu


Naibu Katibu Mkuu Wizara ya Maji Mhandisi Cyprian Luhemeja akizungumza na vyombo vya habari baada ya kukagua miradi ya maji wilayani Kishapu

Mhandisi Luhemeja akikagua eneo cha chanzo cha maji cha mto Tungu wilayani Kishapu kinachotumika sasa kwa ajili ya huduma ya maji kwa wananchi wa vijiji vya  Ndoleleji
Mhandisi Luhemeja akipanda maelezo ya mradi kutoka kwa meneja wa RUWASA wilaya ya Kishapu

Moja ya tenki la mradi wa maji Masanga-Ndoleleji

Naibu Katibu Mkuu Wizara ya Maji Mhandisi Cyprian Luhemeja, ametembelea na kukagua mradi wa maji wa Masanga-Ndoleleji,  Wilaya ya Kishapu Mkoani Shinyanga na kuridhishwa na maendeleo ya mradi huo.

Mhandisi Luhemeja amesisitiza kuwa pamoja na kazi kwenda vizuri ni muhimu kwa Mkandarasi kumaliza kazi hiyo kwa wakati Ili wananchi wapate maji kwa haraka.

"Nimeridhishwa na ubora wa miradi ya maji Wilayani Kishapu, kazi inaenda vizuri. Katika mwaka huu mpya wa fedha watapokea kiasi cha shilingi bilioni saba kutekeleza miradi ya maji" Mhandisi Luhemeja amesema

Mhandisi Luhemeja ameagiza wataalamu wa Wizara ya Maji wanaosimamia mradi huo kuhakikisha maji ya ziwa Victoria yanafika na kusambazwa kwa wananchi kupitia mradi huo kwasababu ni chanzo endelevu.

Naye Mbunge wa Kishapu Mhe. Boniphace Butondo ameishukuru Serikali kwa kuleta fedha za miradi ya maji eneo hilo huku akipongeza hatua za Wizara kutumia maji ya ziwa Victoria  kama chanzo cha kuaminika zaidi katika mradi.

Mhandisi Valeriana Tovagonze kutoka Kampuni ya Mponela Construction & Co Ltd wanaotekeleza mradi huo amesema kazi imefikia asilimia 75 na ifikapo mwezi wa Agosti 2023 wananchi wataanza kupata huduma ya  maji.

Tunashukuru kwa ushirikiano tunaopata toka Serikalini ikiwa ni noja ya kampuni za kizawa kuaminiwa katika miradi ya maji, ifikapo Agosti 16, 2023 wananchi wa Ndoleleji wataanza kupata huduma ya maji.

Mradi wa maji Masanga-Ndoleleji unagharimu kiasi cha shilingi bilioni 1.6 na umehusisha ujenzi wa matenki mawili yenye ujazo wa Lita laki 1 kila moja na utahudumia wakazi  zaidi ya 12,700 pindi utakapokamilika.

Comments

Post a Comment

Popular posts from this blog

Ujenzi wa Mabwawa kusaidia kuondoa changamoto ya maji Dodoma

Image
Wajumbe wa Bodi ya Maji ya Taifa wakiwa katika eneo la mradi wa maji Manda Video ya tukio Bofya HAPA Mkandarasi akiendelea na ujenzi wa Bwawa la Maji Mtamba   Mkuu wa Kitengo cha Usalama wa Mabwawa, Idara ya Rasilimali za Maji, Domina Makene akitoa maelezo ya mradi wa maji Manda Mhandisi Geofrey Semkonda wa Bodi ya Maji Bonde la Rufiji akiwapitisha wajumbe wa Bodi ya Maji Ya Taifa kwenye mchoro wa ramani ya Bwawa la maji Mtamba. Bodi ya Taifa ya Maji imefanya ziara ya kutembelea miradi ya ujenzi wa bwawa la maji la Mtamba Wilayani Mpwapwa na Bwawa la Manda wilayani Chamwino mkoani Dodoma ambayo kwa pamoja yanayotarajia kugharimu shilingi Bilioni 1.3. Mabwawa haya yanajengwa na Bodi ya Maji ya Bonde la Rufiji na yanatarajia kutumika katika shughuli za kibinadamu ikiwemo kilimo cha umwagiliaji, mifugo na matumizi ya kawaida ya binadamu.   Akizungumza wakati wa ziara hiyo Mwenyekiti wa Bodi hiyo Mhandisi Mbogo Futakamba, amesema mabadiliko ya tabia nchi yameathili sehemu mbal...
Read more

Wataalamu Sekta ya maji shirikishaneni maarifa – Naibu Waziri Maji

Image
  Naibu Waziri Mhandisi Maryprisca Mahundi (wa tano kutoka kulia) katika picha ya pamoja mara baada ya kukagua kazi zinazofanywa na moja ya washiriki kutoka Uholanzi Mhandisi Mahundi mara baada ya kuzindua Jarida la usimamizi wa rasilimali maji, uhandisi, menejimenti na sera. Jarida hilo linalenga kuboresha taarifa na kuweka jukwaa la wadau na wataaluma walio katika sekta ya maji kuchapisha kazi zao za kitafiti. Picha ya pamoja ya Mgeni Rasmi na baadhi ya wajumbe wa kongamano la Kisayansi la maji Wajumbe wakiendelea na kongamano katika ukumbi wa Julius Nyerere jijini Dar es Salaam Picha ya pamoja ya Mgeni Rasmi na baadhi ya wajumbe wa kongamano la Kisayansi la maji Naibu Waziri wa Maji Mhandisi Maryprisca Mahundi akipata maelezo kwenye moja ya mabanda ya maonesho ya wadau walioshiriki katika Kongamano la Kisayansi la maji jijini Dar es Salaam  Mhandisi Mahundi akikata utepe kuashiria uzinduzi wa Jarida la usimamizi wa rasilimali maji, uhandisi, menejimenti na sera. Jarida hilo...
Read more

Katibu Mkuu Wizara ya Maji asisitiza matumizi ya mfumo wa taarifa za sekta ya maji (Maji App)

Image
Katibu Mkuu Wizara ya Maji Mhandisi Anthony Sanga Katibu Mkuu Wizara ya Maji Mhandisi Anthony Sanga amewataka wataalam wa sekta ya maji kuhakikisha wanahuisha takwimu na taarifa mbalimbali kwenye mfumo unaotoa taarifa za sekta ya maji, Maji Mobile Application (Maji App) ili kuendana na mabadiliko ya kila siku. Mhandisi Sanga amesema mfumo huo ulizinduliwa na Mhe. Samia Suluhu Hassan Rais wa Jamhuri ya Muungano wa Tanzania Machi 22, 2022 kwa lengo la kurahisisha upatikanaji wa taarifa za sekta ya maji kwa wakati. Ameyasema hayo wakati akifungua kikao kazi cha wataalam wanaojenga mifumo na masuala ya takwimu katika sekta ya maji jijini Dodoma leo. Wataalamu wa sekta ya maji katika kikao kuhusu takwimu na mifumo ya kieletroniki  Ameongeza   kuwa kwa muda mrefu sekta ya maji imekuwa ikikabiliwa na changamoto ya upatikanaji wa takwimu sahihi, zenye ubora na kwa wakati. Pia kuwepo kwa   mifumo ya kielektroniki katika Idara za Wizara na Taasisi zake ambayo ilikuwa haiongei ...
Read more