Waziri Mkuu Awataka Wizara ya Maji kushirikiana na wadau wa sekta ya maji

 

Waziri Mkuu wa Jamhuri ya Muungano wa Tanzania Mhe. Kassim Majaliwa Majaliwa (Mb) akikagua shughuli zinazofanywa na Wadau mbalimbali kwa kushirikiana na WaterAid Tanzania alipowasili katika ukumbi wa Hotel ya Serena jijini Dar es Salaam kwa ajili ya Uzinduzi wa Mkakati Mpya wa Nchi wa WaterAid Tanzania 2023-2028 na Maadhimisho ya Miaka 40 ya WaterAid Nchini Tanzania
Katibu Mkuu Wizara ya Maji Mhandisi Nadhifa Kemikimba akizungumza wakati wa Uzinduzi wa Mkakati Mpya wa Nchi wa WaterAid Tanzania 2023-2028 na Maadhimisho ya Miaka 40 ya WaterAid Nchini Tanzania.
Waziri Mkuu wa Jamhuri ya Muungano wa Tanzania Mhe. Kassim Majaliwa Majaliwa (Mb) akimkabidhi Naibu Waziri wa Maji Mhandishi Maryprisca Mahundi (Mb) zawadi ya kumbukumbu wakati akizinduza Mkakati Mpya wa Nchi wa Asasi ya WaterAid Tanzania 2023-2028

Mhe. Majaliwa akikata Keki wakati wa Hafla ya uzinduzi wa Mkakati wa WaterAid Tanzania


Waziri Mkuu wa Jamhuri ya Muungano wa Tanzania Mhe. Kassim Majaliwa Majaliwa (Mb) ameitaka Wizara ya Maji ishirikiane na wadau mbalimbali wa sekta ya maji ili kutengeneza na kutekeleza mwongozo wa ubia kati ya Sekta ya Umma na Sekta Binafsi (PPP) ili kuimarisha uwekezaji katika Sekta ya Maji.

Agizo hilo amelitoa wakati akizindua Mkakati Mpya wa Nchi wa Asasi ya WaterAid Tanzania 2023-2028 na Maadhimisho ya Miaka 40 ya Asasi hiyo nchini Tanzania iliyofanyika jijini Dar es Salaam. 

Amesema yapo mafanikio mengi yaliyoletwa na Wizara ya Maji lakini bado inatakiwa kuendeleza ushirikiano ili kuhakikisha fedha zinazotolewa zinafikisha huduma endelevu, jumuishi na salama ya majisafi, usafi wa mazingira na usafi binafsi kwa Watanzania wote.

Aidha, Wizara ya Maji kwa kushirikiana na wadau wa Sekta ya Maji ihakikishe miradi yote inayoendelea katika Sekta ya Maji inatekelezwa kwa ufanisi na inakamilika kwa wakati na kwa kuzingatia thamani ya fedha. Amesema hiyo itasaidia kufanikisha na kuharakisha uwekezaji katika Sekta ya Maji katika maeneo mbalimbali nchini.

Kwa upande wake Naibu Waziri wa Maji Mhe. Mhandisi Maryprisca Mahundi (Mb) akimwakilisha Waziri wa Maji amewashukuru Asasi ya WaterAid Tanzania kwa kuwa tayari kusaidia Sekta ya Maji nchini. Amesema utekelezaji wa Mpango uliopita umewezesha ujenzi wa idadi ya miradi 73 inayojumisha miradi 14 ya maji, miradi 57 ya miundombinu ya WASH kwenye shule na vituo vya kutolea huduma za afya, na miradi 2 ya miundombinu ya udhibiti majitaka.

Utelekelezaji wa miradi hiyo umepelekea wananchi kupata majisafi na salama, vituo vya afya 35 kupata huduma ya maji na shule 30 zimepata miundombinu ya WASH ikiwemo miundombinu ya uvunaji maji ya mvua.

Awalia akitoa salam za ukaribisho Mkurugenzi Mkazi wa Asasi ya WaterAid Tanzania. Anna Tenga Mzinga ameshukuru ushirikiano mzuri ambao wameupata kwa muda wote tangu wameanza kazi nchini Tanzania. Amesema kwa miaka 40 iliyopita Asasi hiyo imewafikia watu milioni 8 moja kwa moja kwa huduma ya maji safi, kuwapatia watu 800,000 vyoo bora, na kuwafikia watu milioni 26 kwa uhamasishaji wa usafi wa mazingira wanaofanya kazi katika Mikoa 11 ya Tanzania Bara na Zanzibar.

Waziri Mkuu wa Jamhuri ya Muungano wa Tanzania Mhe. Kassim Majaliwa Majaliwa (Mb) akimkabidhi Naibu Waziri wa Maji Mhandishi Maryprisca Mahundi (Mb) zawadi ya kumbukumbu wakati wa hafla ya uzinduzi wa Mkakati Mpya wa Nchi wa Asasi ya WaterAid Tanzania 2023-2028 na Maadhimisho ya Miaka 40 ya Asasi hiyo nchini Tanzania

 

Comments

Post a Comment

Popular posts from this blog

Ujenzi wa Mabwawa kusaidia kuondoa changamoto ya maji Dodoma

Image
Wajumbe wa Bodi ya Maji ya Taifa wakiwa katika eneo la mradi wa maji Manda Video ya tukio Bofya HAPA Mkandarasi akiendelea na ujenzi wa Bwawa la Maji Mtamba   Mkuu wa Kitengo cha Usalama wa Mabwawa, Idara ya Rasilimali za Maji, Domina Makene akitoa maelezo ya mradi wa maji Manda Mhandisi Geofrey Semkonda wa Bodi ya Maji Bonde la Rufiji akiwapitisha wajumbe wa Bodi ya Maji Ya Taifa kwenye mchoro wa ramani ya Bwawa la maji Mtamba. Bodi ya Taifa ya Maji imefanya ziara ya kutembelea miradi ya ujenzi wa bwawa la maji la Mtamba Wilayani Mpwapwa na Bwawa la Manda wilayani Chamwino mkoani Dodoma ambayo kwa pamoja yanayotarajia kugharimu shilingi Bilioni 1.3. Mabwawa haya yanajengwa na Bodi ya Maji ya Bonde la Rufiji na yanatarajia kutumika katika shughuli za kibinadamu ikiwemo kilimo cha umwagiliaji, mifugo na matumizi ya kawaida ya binadamu.   Akizungumza wakati wa ziara hiyo Mwenyekiti wa Bodi hiyo Mhandisi Mbogo Futakamba, amesema mabadiliko ya tabia nchi yameathili sehemu mbal...
Read more

Wataalamu Sekta ya maji shirikishaneni maarifa – Naibu Waziri Maji

Image
  Naibu Waziri Mhandisi Maryprisca Mahundi (wa tano kutoka kulia) katika picha ya pamoja mara baada ya kukagua kazi zinazofanywa na moja ya washiriki kutoka Uholanzi Mhandisi Mahundi mara baada ya kuzindua Jarida la usimamizi wa rasilimali maji, uhandisi, menejimenti na sera. Jarida hilo linalenga kuboresha taarifa na kuweka jukwaa la wadau na wataaluma walio katika sekta ya maji kuchapisha kazi zao za kitafiti. Picha ya pamoja ya Mgeni Rasmi na baadhi ya wajumbe wa kongamano la Kisayansi la maji Wajumbe wakiendelea na kongamano katika ukumbi wa Julius Nyerere jijini Dar es Salaam Picha ya pamoja ya Mgeni Rasmi na baadhi ya wajumbe wa kongamano la Kisayansi la maji Naibu Waziri wa Maji Mhandisi Maryprisca Mahundi akipata maelezo kwenye moja ya mabanda ya maonesho ya wadau walioshiriki katika Kongamano la Kisayansi la maji jijini Dar es Salaam  Mhandisi Mahundi akikata utepe kuashiria uzinduzi wa Jarida la usimamizi wa rasilimali maji, uhandisi, menejimenti na sera. Jarida hilo...
Read more

Katibu Mkuu Wizara ya Maji asisitiza matumizi ya mfumo wa taarifa za sekta ya maji (Maji App)

Image
Katibu Mkuu Wizara ya Maji Mhandisi Anthony Sanga Katibu Mkuu Wizara ya Maji Mhandisi Anthony Sanga amewataka wataalam wa sekta ya maji kuhakikisha wanahuisha takwimu na taarifa mbalimbali kwenye mfumo unaotoa taarifa za sekta ya maji, Maji Mobile Application (Maji App) ili kuendana na mabadiliko ya kila siku. Mhandisi Sanga amesema mfumo huo ulizinduliwa na Mhe. Samia Suluhu Hassan Rais wa Jamhuri ya Muungano wa Tanzania Machi 22, 2022 kwa lengo la kurahisisha upatikanaji wa taarifa za sekta ya maji kwa wakati. Ameyasema hayo wakati akifungua kikao kazi cha wataalam wanaojenga mifumo na masuala ya takwimu katika sekta ya maji jijini Dodoma leo. Wataalamu wa sekta ya maji katika kikao kuhusu takwimu na mifumo ya kieletroniki  Ameongeza   kuwa kwa muda mrefu sekta ya maji imekuwa ikikabiliwa na changamoto ya upatikanaji wa takwimu sahihi, zenye ubora na kwa wakati. Pia kuwepo kwa   mifumo ya kielektroniki katika Idara za Wizara na Taasisi zake ambayo ilikuwa haiongei ...
Read more