Wadau wa Sekta Mtambuka watakiwa kuwekeza Zaidi kwenye utunzaji na uhifadhi wa rasilimali za maji


Mwenyekiti Bodi ya Maji ya Taifa Mhandisi Mbogo Futakamba akifungua kikao cha Jukwaa la Taifa la Wadau wa Sekta Mtambuka katika Usimamizi na Uendelezaji wa Rasilimali za Maji kwa Niaba ya Katibu Mkuu Wizara ya Maji Mhandisi Anthony Sanga

Katibu Mkuu Wizara ya Maji Mhandishi Anthony Sanga amelitaka Jukwaa la Taifa la Wadau wa Sekta Mtambuka katika Usimamizi na Uendelezaji wa Rasilimali za Maji kuwekeza Zaidi kwenye utunzaji na uhifadhi wa Rasilimali za Maji ili kuwezesha upatikanajni wa maji kwa ajili ya shughuli mbalimbali za kijamii na kiuchumi.

Wito huo ameutoa leo kupitia hotuba yake ya ufunguzi wa mkutano wa kwanza wa vikundi kazi vya jukwaa hilo iliyosomwa na Mwenyekiti wa Bodi ya Maji ya Taifa Mhandisi Mbogo Futakamba jijini Dar es Salaam.

Mhandisi Sanga amesema Serikali inatekeleza sera ya Tanzania ya Viwanda ambayo kwa kiasi kikubwa inahitaji umeme ambao msingi wake mkubwa ni maji.

Picha ya pamoja ya Baadhi ya wajumbe wa Jukwaa la Taifa la Wadau wa Sekta Mtambuka katika Usimamizi na Uendelezaji wa Rasilimali za Maji

“Tanzania ya viwanda inategemea upatikanaji wa umeme wa uhakika na wa gharama nafuu ambao kama mnavyofahamu, umeme unaotokana na nguvu ya maji ni wa gharama nafuu zaidi. Kwa mfano, gharama za uzalishaji umeme wa nguvu za maji shilingi 13 kwa uniti, umeme wa gesi asilia shilingi 129 hadi 153 na kwa mafuta ya dizeli shilingi 546 hadi 675.  Kwa kutambua hilo, Serikali ya Awamu ya Sita inayoongozwa na Mheshimiwa Samia Suluhu Hassan, Rais wa Jamhuri ya Muungano wa Tanzania inatekeleza miradi mikubwa ikiwemo ujenzi wa Bwawa la Nyerere kwa ajili ya kuzalisha umeme wa maji kiasi cha megawati 2,115 ambapo Mradi huu ukikamilika zaidi ya 70% ya umeme wote nchini utakuwa ni wa maji. Hivyo hatuna budi kuhakikisha rasilimali maji inatunzwa na kuendelezwa” Amesema mhandishi Sanga.


Aidha, ameagiza kila Kikundi Kazi katika jukwaa hilo kiandae Mpango Kazi wa utekelezaji kila mwaka. Pia Mkakati wa utafutaji fedha kwa ajili ya utekelezaji wa shughuli zilizoainishwa ndani ya Mpango.

Baadhi ya wajumbe wa Jukwaa la Taifa la Wadau wa Sekta Mtambuka wakijadiliana masuala mbalimbali kuhusiana na utekelezaji wa majukumu yao


Jukwaa la Wadau wa Sekta Mtambuka katika Usimamizi na Uendelezaji wa Rasilimali za Maji  limeundwa kwa lengo la kukutanisha Wadau wa Rasilimali za Maji kujadili na kubadilishana uzoefu na ujuzi ili kuboresha utendaji kazi na kuhakikisha usimamizi endelevu wa Rasilimali za Maji kwa maendeleo ya kizazi cha sasa na baadae. Jukwaa hilo lina Wadau zaidi ya 100 wanaotoka katika Taasisi takriban 90 za ndani na nje ya nchi.

 

Comments

Post a Comment

Popular posts from this blog

Ujenzi wa Mabwawa kusaidia kuondoa changamoto ya maji Dodoma

Image
Wajumbe wa Bodi ya Maji ya Taifa wakiwa katika eneo la mradi wa maji Manda Video ya tukio Bofya HAPA Mkandarasi akiendelea na ujenzi wa Bwawa la Maji Mtamba   Mkuu wa Kitengo cha Usalama wa Mabwawa, Idara ya Rasilimali za Maji, Domina Makene akitoa maelezo ya mradi wa maji Manda Mhandisi Geofrey Semkonda wa Bodi ya Maji Bonde la Rufiji akiwapitisha wajumbe wa Bodi ya Maji Ya Taifa kwenye mchoro wa ramani ya Bwawa la maji Mtamba. Bodi ya Taifa ya Maji imefanya ziara ya kutembelea miradi ya ujenzi wa bwawa la maji la Mtamba Wilayani Mpwapwa na Bwawa la Manda wilayani Chamwino mkoani Dodoma ambayo kwa pamoja yanayotarajia kugharimu shilingi Bilioni 1.3. Mabwawa haya yanajengwa na Bodi ya Maji ya Bonde la Rufiji na yanatarajia kutumika katika shughuli za kibinadamu ikiwemo kilimo cha umwagiliaji, mifugo na matumizi ya kawaida ya binadamu.   Akizungumza wakati wa ziara hiyo Mwenyekiti wa Bodi hiyo Mhandisi Mbogo Futakamba, amesema mabadiliko ya tabia nchi yameathili sehemu mbal...
Read more

Wataalamu Sekta ya maji shirikishaneni maarifa – Naibu Waziri Maji

Image
  Naibu Waziri Mhandisi Maryprisca Mahundi (wa tano kutoka kulia) katika picha ya pamoja mara baada ya kukagua kazi zinazofanywa na moja ya washiriki kutoka Uholanzi Mhandisi Mahundi mara baada ya kuzindua Jarida la usimamizi wa rasilimali maji, uhandisi, menejimenti na sera. Jarida hilo linalenga kuboresha taarifa na kuweka jukwaa la wadau na wataaluma walio katika sekta ya maji kuchapisha kazi zao za kitafiti. Picha ya pamoja ya Mgeni Rasmi na baadhi ya wajumbe wa kongamano la Kisayansi la maji Wajumbe wakiendelea na kongamano katika ukumbi wa Julius Nyerere jijini Dar es Salaam Picha ya pamoja ya Mgeni Rasmi na baadhi ya wajumbe wa kongamano la Kisayansi la maji Naibu Waziri wa Maji Mhandisi Maryprisca Mahundi akipata maelezo kwenye moja ya mabanda ya maonesho ya wadau walioshiriki katika Kongamano la Kisayansi la maji jijini Dar es Salaam  Mhandisi Mahundi akikata utepe kuashiria uzinduzi wa Jarida la usimamizi wa rasilimali maji, uhandisi, menejimenti na sera. Jarida hilo...
Read more

Katibu Mkuu Wizara ya Maji asisitiza matumizi ya mfumo wa taarifa za sekta ya maji (Maji App)

Image
Katibu Mkuu Wizara ya Maji Mhandisi Anthony Sanga Katibu Mkuu Wizara ya Maji Mhandisi Anthony Sanga amewataka wataalam wa sekta ya maji kuhakikisha wanahuisha takwimu na taarifa mbalimbali kwenye mfumo unaotoa taarifa za sekta ya maji, Maji Mobile Application (Maji App) ili kuendana na mabadiliko ya kila siku. Mhandisi Sanga amesema mfumo huo ulizinduliwa na Mhe. Samia Suluhu Hassan Rais wa Jamhuri ya Muungano wa Tanzania Machi 22, 2022 kwa lengo la kurahisisha upatikanaji wa taarifa za sekta ya maji kwa wakati. Ameyasema hayo wakati akifungua kikao kazi cha wataalam wanaojenga mifumo na masuala ya takwimu katika sekta ya maji jijini Dodoma leo. Wataalamu wa sekta ya maji katika kikao kuhusu takwimu na mifumo ya kieletroniki  Ameongeza   kuwa kwa muda mrefu sekta ya maji imekuwa ikikabiliwa na changamoto ya upatikanaji wa takwimu sahihi, zenye ubora na kwa wakati. Pia kuwepo kwa   mifumo ya kielektroniki katika Idara za Wizara na Taasisi zake ambayo ilikuwa haiongei ...
Read more