MIRADI YA MAJI YA UVIKO 19 IKAMILIKE KWA WAKATI-NAIBU WAZIRI WA MAJI MAHUNDI






Naibu Waziri wa Maji Mhandisi Maryprisca Mahundi(Mb) amewataka Wakala wa Maji na Usafi wa Mazingira Vijijini (RUWASA) Mkoa wa Simiyu kuhakikisha miradi yote ya Maji inayotekelezwa kupitia fedha zilizotolewa na serikali ikiwa ni Mpango wa Maendeleo kwa Ustawi wa Taifa na Mapambano Dhidi ya UVIKO -19 inakamilka ifikapo mwishoni mwa mwezi April mwaka huu.

Naibu Waziri,Mahundi amesema hayo  wilayani Busega mkoani Simiyu alipotembelea ujenzi wa tenki la kuhifadhi maji lenye mita za ujazo 50 kwenye mnara wa mita 15  katika kijiji cha Badugu.

Amesema hakuna sababu ya Mkandarasi kushindwa kukamilisha kazi kwa muda huo kwani fedha kwa ajili ya miradi hiyo ipo kinachotakiwa ni kufanya kazi kwa kiwango cha ubora wa hali ya juu na kufuata taratibu za kuomba pesa na kwamba Wizara ya Maji  hawana urasimu wowote juu ya utoaji wa fedha za miradi hiyo.

Aidha, amemtaka Mkandarasi anayetekeleza Mradi huo Kampuni ya Jonta Investiment ya Mjini Shinyanga kufanya kazi usiku na mchana ili mradi ikamilike kwa muda uliopangwa.

"Rais ametoa fedha nyingi kwenye Wizara ya Maji ili kuondoa kadhia kwa wananchi na kufikia azma yake ya kumtua mama ndoo kichwani, hivyo mimi kwa kushirikiana na Waziri wa Maji, Mhe. Jumaa Aweso hatutakubali mtu yeyote kukwamisha miradi",alisema Mahundi.

Awali Kaimu Meneja RUWASA Wilaya ya Busega, Mhandisi Daniel Gagala  akisoma taarifa ya Utekelezaji wa Mradi huo amesema  kiasi cha Sh 317,923,663 zitatumika hadi mradi utakapokamilika.

Amesema hadi sasa kazi zilizofanyika ni pamoja na ujenzi wa tenki, Ujenzi wa vituo tisa vya kuchotea maji, Ujenzi wa nyumba ya mambo na ununuzi wa bomba.

Wizara ya Maji ilipokea jumla ya shilingi Bilioni 139.4 kutokna na Mpango wa Maendeleo kwa Ustawi wa Taifa na Mapambano Dhidi ya UVIKO -19. Fedha hizo zinatumika kutekeleza miradi ya maji sehemu mbalimbali nchini.

Comments

Post a Comment

Popular posts from this blog

Ujenzi wa Mabwawa kusaidia kuondoa changamoto ya maji Dodoma

Image
Wajumbe wa Bodi ya Maji ya Taifa wakiwa katika eneo la mradi wa maji Manda Video ya tukio Bofya HAPA Mkandarasi akiendelea na ujenzi wa Bwawa la Maji Mtamba   Mkuu wa Kitengo cha Usalama wa Mabwawa, Idara ya Rasilimali za Maji, Domina Makene akitoa maelezo ya mradi wa maji Manda Mhandisi Geofrey Semkonda wa Bodi ya Maji Bonde la Rufiji akiwapitisha wajumbe wa Bodi ya Maji Ya Taifa kwenye mchoro wa ramani ya Bwawa la maji Mtamba. Bodi ya Taifa ya Maji imefanya ziara ya kutembelea miradi ya ujenzi wa bwawa la maji la Mtamba Wilayani Mpwapwa na Bwawa la Manda wilayani Chamwino mkoani Dodoma ambayo kwa pamoja yanayotarajia kugharimu shilingi Bilioni 1.3. Mabwawa haya yanajengwa na Bodi ya Maji ya Bonde la Rufiji na yanatarajia kutumika katika shughuli za kibinadamu ikiwemo kilimo cha umwagiliaji, mifugo na matumizi ya kawaida ya binadamu.   Akizungumza wakati wa ziara hiyo Mwenyekiti wa Bodi hiyo Mhandisi Mbogo Futakamba, amesema mabadiliko ya tabia nchi yameathili sehemu mbal...
Read more

Wataalamu Sekta ya maji shirikishaneni maarifa – Naibu Waziri Maji

Image
  Naibu Waziri Mhandisi Maryprisca Mahundi (wa tano kutoka kulia) katika picha ya pamoja mara baada ya kukagua kazi zinazofanywa na moja ya washiriki kutoka Uholanzi Mhandisi Mahundi mara baada ya kuzindua Jarida la usimamizi wa rasilimali maji, uhandisi, menejimenti na sera. Jarida hilo linalenga kuboresha taarifa na kuweka jukwaa la wadau na wataaluma walio katika sekta ya maji kuchapisha kazi zao za kitafiti. Picha ya pamoja ya Mgeni Rasmi na baadhi ya wajumbe wa kongamano la Kisayansi la maji Wajumbe wakiendelea na kongamano katika ukumbi wa Julius Nyerere jijini Dar es Salaam Picha ya pamoja ya Mgeni Rasmi na baadhi ya wajumbe wa kongamano la Kisayansi la maji Naibu Waziri wa Maji Mhandisi Maryprisca Mahundi akipata maelezo kwenye moja ya mabanda ya maonesho ya wadau walioshiriki katika Kongamano la Kisayansi la maji jijini Dar es Salaam  Mhandisi Mahundi akikata utepe kuashiria uzinduzi wa Jarida la usimamizi wa rasilimali maji, uhandisi, menejimenti na sera. Jarida hilo...
Read more

Katibu Mkuu Wizara ya Maji asisitiza matumizi ya mfumo wa taarifa za sekta ya maji (Maji App)

Image
Katibu Mkuu Wizara ya Maji Mhandisi Anthony Sanga Katibu Mkuu Wizara ya Maji Mhandisi Anthony Sanga amewataka wataalam wa sekta ya maji kuhakikisha wanahuisha takwimu na taarifa mbalimbali kwenye mfumo unaotoa taarifa za sekta ya maji, Maji Mobile Application (Maji App) ili kuendana na mabadiliko ya kila siku. Mhandisi Sanga amesema mfumo huo ulizinduliwa na Mhe. Samia Suluhu Hassan Rais wa Jamhuri ya Muungano wa Tanzania Machi 22, 2022 kwa lengo la kurahisisha upatikanaji wa taarifa za sekta ya maji kwa wakati. Ameyasema hayo wakati akifungua kikao kazi cha wataalam wanaojenga mifumo na masuala ya takwimu katika sekta ya maji jijini Dodoma leo. Wataalamu wa sekta ya maji katika kikao kuhusu takwimu na mifumo ya kieletroniki  Ameongeza   kuwa kwa muda mrefu sekta ya maji imekuwa ikikabiliwa na changamoto ya upatikanaji wa takwimu sahihi, zenye ubora na kwa wakati. Pia kuwepo kwa   mifumo ya kielektroniki katika Idara za Wizara na Taasisi zake ambayo ilikuwa haiongei ...
Read more