Waziri wa Maji, Mhe. Jumaa Aweso (Mb) amemshukuru Mkurugenzi Mtendaji wa Benki ya Maendeleo ya Afrika, Amos Cheptoo kwa ushirikiano mkubwa kutoka kwa benki hiyo na kuwa sehemu ya mafanikio makubwa yanayopatikana katika Sekta ya Maji nchini Tanzania.

Waziri Aweso ametoa shukrani hizo na kuahidi ufanisi katika utekelezaji wa miradi ya maji  mara baada ya kukutana na kufanya mazungumzo na Bw. Cheptoo katika kikao kilichofanyika jijini Arusha kwa lengo la kujadili maendeleo ya utekelezaji wa Mradi wa Maji wa Jiji la Arusha wenye thamani ya Sh. bilioni 520 ambazo sehemu ya fedha hizo kiasi cha Dola za kimarekani 210,962,581 ni mkopo wa masharti nafuu kutoka Benki ya Maendeleo ya Afrika.

Akizungumzia  mafanikio yanayotarajiwa baada ya kukamilika kwake, Aweso amesema mradi huo wenye lengo la kuboresha huduma ya majisafi na usafi wa mazingira jijini Arusha na baadhi ya maeneo ya wilaya ya Arumeru utaongeza uzalishaji wa maji kutoka lita milioni 40 kwa siku mpaka lita 200 kwa siku kufikia mwaka 2030, kuongezeka wanufaika wa huduma kutoka 325,000 mpaka 1,009,548, kuongeza mtandao  kutoka asilimia 44 mpaka asilimia 100 ambapo km 760.4 za mabomba zitalazwa.

Pia, kuongeza mtandao wa majitaka ulio asilimia 7.6 kwa sasa mpaka asilimia 30 ambapo km 192 za mabomba ya majitaka zitalazwa na kunufaisha wananchi 201,811, ujenzi wa mtambo mpya wa kutibu majitaka wenye uwezo wa kutibu lita milioni 22 za majitaka kwa siku pamoja na kujengea uwezo Mamlaka ya Majisafi na Usafi wa Mazingira Arusha (AUWSA) kupitia mafunzo, ununuzi wa samani za ofisi na vitendea kazi.

Waziri Aweso amemuhakikishia Bw. Cheptoo kuwa Serikali kupitia Wizara ya Maji itazutumia fedha zinazotolewa kikamilifu kwa faida ya wananchi wote Tanzania waishio mijini na vijijini kuhakikisha wanapata huduma ya uhakika ya majisafi na salama.

Mkurugenzi Mtendaji wa Benki ya Maendeleo ya Afrika, Amos Cheptoo amesema lengo la ujio wao ni kujionea kazi iliyofanyika ya mradi wa jiji la Arusha na wataendelea kuipa ushirikiano Tanzania ili kuhakikisha Serikali inafikia malengo yake kwa upande wa Sekta ya Maji pamoja na sekta nyingine

Comments

Post a Comment

Popular posts from this blog

Ujenzi wa Mabwawa kusaidia kuondoa changamoto ya maji Dodoma

Image
Wajumbe wa Bodi ya Maji ya Taifa wakiwa katika eneo la mradi wa maji Manda Video ya tukio Bofya HAPA Mkandarasi akiendelea na ujenzi wa Bwawa la Maji Mtamba   Mkuu wa Kitengo cha Usalama wa Mabwawa, Idara ya Rasilimali za Maji, Domina Makene akitoa maelezo ya mradi wa maji Manda Mhandisi Geofrey Semkonda wa Bodi ya Maji Bonde la Rufiji akiwapitisha wajumbe wa Bodi ya Maji Ya Taifa kwenye mchoro wa ramani ya Bwawa la maji Mtamba. Bodi ya Taifa ya Maji imefanya ziara ya kutembelea miradi ya ujenzi wa bwawa la maji la Mtamba Wilayani Mpwapwa na Bwawa la Manda wilayani Chamwino mkoani Dodoma ambayo kwa pamoja yanayotarajia kugharimu shilingi Bilioni 1.3. Mabwawa haya yanajengwa na Bodi ya Maji ya Bonde la Rufiji na yanatarajia kutumika katika shughuli za kibinadamu ikiwemo kilimo cha umwagiliaji, mifugo na matumizi ya kawaida ya binadamu.   Akizungumza wakati wa ziara hiyo Mwenyekiti wa Bodi hiyo Mhandisi Mbogo Futakamba, amesema mabadiliko ya tabia nchi yameathili sehemu mbal...
Read more

Wataalamu Sekta ya maji shirikishaneni maarifa – Naibu Waziri Maji

Image
  Naibu Waziri Mhandisi Maryprisca Mahundi (wa tano kutoka kulia) katika picha ya pamoja mara baada ya kukagua kazi zinazofanywa na moja ya washiriki kutoka Uholanzi Mhandisi Mahundi mara baada ya kuzindua Jarida la usimamizi wa rasilimali maji, uhandisi, menejimenti na sera. Jarida hilo linalenga kuboresha taarifa na kuweka jukwaa la wadau na wataaluma walio katika sekta ya maji kuchapisha kazi zao za kitafiti. Picha ya pamoja ya Mgeni Rasmi na baadhi ya wajumbe wa kongamano la Kisayansi la maji Wajumbe wakiendelea na kongamano katika ukumbi wa Julius Nyerere jijini Dar es Salaam Picha ya pamoja ya Mgeni Rasmi na baadhi ya wajumbe wa kongamano la Kisayansi la maji Naibu Waziri wa Maji Mhandisi Maryprisca Mahundi akipata maelezo kwenye moja ya mabanda ya maonesho ya wadau walioshiriki katika Kongamano la Kisayansi la maji jijini Dar es Salaam  Mhandisi Mahundi akikata utepe kuashiria uzinduzi wa Jarida la usimamizi wa rasilimali maji, uhandisi, menejimenti na sera. Jarida hilo...
Read more

Katibu Mkuu Wizara ya Maji asisitiza matumizi ya mfumo wa taarifa za sekta ya maji (Maji App)

Image
Katibu Mkuu Wizara ya Maji Mhandisi Anthony Sanga Katibu Mkuu Wizara ya Maji Mhandisi Anthony Sanga amewataka wataalam wa sekta ya maji kuhakikisha wanahuisha takwimu na taarifa mbalimbali kwenye mfumo unaotoa taarifa za sekta ya maji, Maji Mobile Application (Maji App) ili kuendana na mabadiliko ya kila siku. Mhandisi Sanga amesema mfumo huo ulizinduliwa na Mhe. Samia Suluhu Hassan Rais wa Jamhuri ya Muungano wa Tanzania Machi 22, 2022 kwa lengo la kurahisisha upatikanaji wa taarifa za sekta ya maji kwa wakati. Ameyasema hayo wakati akifungua kikao kazi cha wataalam wanaojenga mifumo na masuala ya takwimu katika sekta ya maji jijini Dodoma leo. Wataalamu wa sekta ya maji katika kikao kuhusu takwimu na mifumo ya kieletroniki  Ameongeza   kuwa kwa muda mrefu sekta ya maji imekuwa ikikabiliwa na changamoto ya upatikanaji wa takwimu sahihi, zenye ubora na kwa wakati. Pia kuwepo kwa   mifumo ya kielektroniki katika Idara za Wizara na Taasisi zake ambayo ilikuwa haiongei ...
Read more